أنتْ أدرى في يوُم الحشّر [ جنّةْ ] تحتْ خطوآإتي !

معقوله تجي منك وترميني لأي انسان
يلملمني ولا يلقى بعيوني غير دمعاتي

انا ماصدق انك انت تنهيني من الوجدان
وترميني وانا اشوف القبر نادى مسافاتي

وكسرني الشتاء ياوليد وانت بداخلي دفيان
تحملت الاسى والظيم عشانك يابعد ذاتي

وصحى بي البرد واللاهوب وانت بداخلي غفيان
تحملت السنين وقلت على الله تلملم شتاتي

انا أمك ياهيــــــــــــــــــه أمك حملتك والعذاب الوان
ولدتك والالم سكين يركز داخل لهاتي

وانا اثناء الوالده من بكى صوتك طعنت احزان
لاني شفتك بصوتك تنادي كل طموحاتي

ومهدتك فعين وعين يشرب حزنها القران
وهزيتك وكان النور يتهزهز من دعاتي

اضمك في يديني لاتجي وتقول انا بردان
تركت البرد لضلوعي رح انشد رعشة شفاتي

وزولك من ركض فيني لمست بداخلي اوطان
وتركتك تبني بمجدك على كتف انكساراتي

وتذكر يوم مدرستك صدى وكفوفنا الحرمان
وكانت رنته من فلس خنقته لك بشيلاتي

كبرت وصرت بعيوني شجاعن واشهم الفرسان
وحلفت اني على عرسك لارقص كل شيباتي

اسولف للبشر عنك اقول ولا به اي نقصان
رضع عز الشهامه شب طموحه في معاناتي

وله شان الصقر لا لا اخذ منه الصقر له شان
يجي مثل الوضوء لاطب حنينه فوق راحاتي

يقولون الولد هو خان اقول وليدي لا ماخان
وهم يدرون ماغطى منامي غير وناتي

أفااااااااااااااااا

وشلون تتركني يكحلني عمى النسيان
وانت ادرى فيوم الحشر جنه تحت خطواتي

لك الله مانطق صوتي لك الا بدعوة الغفران !!
ولكن خوفي من حزني ومن دعوات عبراتي

تدين اليوم ياوليدي وباكر للاسف تندان
ويرمونك مثل امك وتذكر حلم شيباتي




* دعوة الغفرآن - سآلم سيآر

https://www.youtube.com/watch?v=A8mnr5HXITQ



جعل يومي قبل يومك يآيمه


:

انا أمك ياهيــــــــــــــــــه أمك حملتك والعذاب الوان
ولدتك والالم سكين يركز داخل لهاتي


يالله هذي مرررة تأثرت منها
الله لايحرمنا منك يايمه..

شوكرن مدري ع هالموضوع

شوكرآآآن مدري

لا حول ولا قوة الا بالله
شكرآ مدري

هلا والله

نورتو كلكم

والله الله بالوآلدة

لكم .